زي الايام**بقلم**محمود صلاح

زى الايام

**********
أوعى ياقلبي تبكى عليها
ولا يا قلبي بحبك ليها 
وابكى وابكى الف مرة
ع الليالى إللى غشت فيها
ع الامانى إللى حلمت بيها
ع الانين على الحنين 
على كل ذكرى بتفكرنا بيها

انا كنت فاكر ان عيونها لقلبي عيون
يشوف بيهم حياته ومن الهجر يصون
اتاريهم عيون كدابة ما اعرف إلا تخون

واحكى لليل السهران معاك
قد ايه قال حبيبك
روحى وقلبي فداك
قد ايه كان وعده ليك
قد ايه كان بيعشق عينيك
وان هواه اكبر من هواك

لكن هجرنا ولاف على غيرنا
ماعمل حساب مشاعرنا
وداس قوى وناسي قوى
حاجات كتيره حلوة مابينا
حتى المشاعر باعها وهاجر
زى الايام يوم معانا والتانى علينا
ابكى يا قلبي ابكى وابكى الف مرة

***************************

محمود صلاح
مصر